Ang tagal na pala natin hindi nag-usap. Ung usapan na tungkol sa sarili nating buhay… hindi yung usapan na kamustahan lang. hindi ko napansin na sobrang ang layo mo na sa akin. Dati lagi lang kita kasama lagi lang kita kausap. Lagi lang tayo nagtatawanan. Hindi ko alam na sa tagal ng panahon na malayo ka sa akin madami din pala ako matutunan sa’yo. Na madami ako malalaman tungkol sa’yo na hindi alam ng ibang tao. Na sa’yo ko maututunan yung ibang bagay na hindi ko alam. Na kaya ko pala gawin. na hindi pala nasusukat sa edad o sa experience ang natutunan ng bawat tao. Na kahit na malayo ang agwat ng edad natin e mas madami ka pang ibang experience na hindi ko naranasan.
Dati binubuhat lang kita. Pinapatawa at nilalaro. Ngayon ikaw na nagpapatawa sa akin. Dati hinahabol lang kita tapos papakainin. Tapos magkatabi pa kayo ng tito mo sa crib sa bahay ni lolo dante. Halos magkasing edad kasi kayo ng tito mo. Tapos nung umalis si lola papuntang Japan kapag tumatawag siya lagi mo sinasabi na ang gusto mong pasalubong si Mickey Mouse. Nung umuwi siya ikaw ang unang unang binilihan ng rubbershoes na “Barbie”. Ikaw ang pumili nun. Tapos nung nag-uwi si tito franz ng tuta akala naming lalaruin mo lang kasi nung una hinihimas mo lang nung natalikod na kami ginawa mo ng basahan. May picture ka nun kasama mo ung puppy na brown and white. Nung dumating yung “ber months nauso na ung caroling. May alagang ahas si papa mo nun, nung una humihingi ka ng barya kay lola tapos nung naubos na pinahawak sa’yo ng papa mo ung ahas tapos ikaw ung magbubukas ng pinto magtatakbuhan na ung mga batang makukulit. Haha. Nice! Hai! Dati baby ka palang. Ngaun “katorse” ka na. pero parang mas mature ka mag-isip sa akin. Siguro dahil na din sa mundong ginagalawan natin. Mas malakas lang siguro ang loob mo na subukan ang ibang bagay na natatakot akong subukan. Sa paningin ko ikaw pa din ung “babyyoh” namin. Hindi ko napansin na lumipas na ang panahon sa tagal natin hindi nag-uusap. Natatandaan ko pa nung baby ka magmamadali ako umuwi para lang bumili ng “gerber” o “cerelac” kasi excited ako pakainin ka kasi hindi ka katulad ng ibang baby na mahirap pakainin.
Natatandaan ko din bago ka ipanganak ng mama mo nagpapicture pa kmi tapos ako katabi niya matulog nung gabing yun. Nung umaga akala ko umuhi siya sa kama kasi basa na yung hinihigaan tapos nung hinanap ko siya nasa banyo na siya kalmado lang na sinabi “my water bag broke”. Hehe pero ang papa mo natataranta na kakaisip kung paano itatakbo mama mo sa ospital. Si lola din hindi alam kung anong gagawin. Unang apo ka kasi… siyempre unang experience sa aming lahat tapos excited pa.
Alam mo naman kung sino ka kaya sana ma-appreciate mo ung sinulat ko kasi sobrang namimiss ko na yung “babyyoh” namin. I may not always be there for you but you can always text me. I love you!
